امریکی سینٹرل کمانڈ کا 5 ایرانی تیل بردار بحری جہاز تباہ کرنے کا دعویٰ

امریکی سینٹرل کمانڈ (سینٹ کام) نے دعویٰ کیا ہے کہ امریکی فورسز نے ایران کے پانچ خام تیل بردار بحری جہاز تباہ کر دیے ہیں۔

سینٹ کام کے مطابق یہ کارروائی ایرانی پاسدارانِ انقلاب کی جانب سے گزشتہ دو روز کے دوران ایک امریکی بحری جنگی جہاز کو دو مرتبہ بیلسٹک میزائلوں سے نشانہ بنانے کی کوشش کے بعد کی گئی۔

امریکی سینٹرل کمانڈ کا کہنا ہے کہ امریکی جنگی جہاز نے دونوں میزائل حملوں سے کامیابی سے بچاؤ کیا اور اس کے بعد بھی علاقائی پانیوں میں اپنی گشت جاری رکھی۔

سینٹ کام کے مطابق ایرانی میزائل حملوں کی کوششوں میں کسی بھی امریکی اہلکار کو نقصان نہیں پہنچا۔

امریکی دعوے کے بعد خطے میں ایران اور امریکا کے درمیان کشیدگی مزید بڑھنے کے خدشات پیدا ہوگئے ہیں، جبکہ خلیج میں بحری آمدورفت اور تیل کی ترسیل بھی متاثر ہونے کا خطرہ بڑھ گیا ہے۔ تاہم ایرانی تیل بردار جہازوں کی تباہی سے متعلق امریکی دعوے کی آزاد ذرائع سے تصدیق سامنے نہیں آئی۔