پاکستان اور عالمی مارکیٹ میں سونے کی قیمتوں میں بڑی کمی، فی تولہ سونا 3,700 روپے سستا
پاکستان اور عالمی مارکیٹ میں سونے کی قیمتیں ایک بار پھر کم ہو گئیں۔ 24 قیراط فی تولہ سونا 3,700 روپے سستا ہو کر 426,736 روپے جبکہ عالمی مارکیٹ میں فی اونس سونا 37 ڈالر کمی کے بعد 4,043 ڈالر پر آ گیا۔ چاندی کی قیمت میں بھی نمایاں کمی ریکارڈ کی گئی
کراچی: پاکستان اور عالمی مارکیٹ میں سونے کی قیمتوں میں دو روزہ اضافے کے بعد ایک بار پھر کمی ریکارڈ کی گئی ہے، جس کے نتیجے میں مقامی مارکیٹ میں فی تولہ سونا 3,700 روپے سستا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت 3,700 روپے کمی کے بعد 426,736 روپے ہو گئی ہے۔
اسی طرح 10 گرام 24 قیراط سونے کی قیمت 3,202 روپے کمی کے بعد 365,857 روپے ریکارڈ کی گئی۔
دوسری جانب چاندی کی قیمت میں بھی کمی دیکھنے میں آئی۔ فی تولہ چاندی 57 روپے سستی ہو کر 6,237 روپے کی سطح پر آ گئی۔
عالمی مارکیٹ میں بھی سونے کی قیمت میں مندی کا رجحان برقرار رہا، جہاں فی اونس سونا 37 ڈالر کمی کے بعد 4,043 ڈالر پر ٹریڈ کرتا رہا۔
ماہرین کے مطابق عالمی مارکیٹ میں سونے کی قیمتوں میں اتار چڑھاؤ، امریکی ڈالر کی صورتحال اور بین الاقوامی معاشی عوامل مقامی مارکیٹ میں سونے کی قیمتوں پر براہِ راست اثر انداز ہوتے ہیں۔
Web Desk
Media Channel
شائع ہوا: 1 اگست، 2026 کو 12:34 PM
آخری تدوین: 1 اگست، 2026
