7 اپریل کو علیمہ خان کی کال، 10 ہزار تنظیمی عہدیدار اڈیالہ جیل کے باہر جمع ہوں گے

(اسلام آباد )پریس کانفرنس کرتے ہوئے سلمان اکرم راجہ نے کہا کہ پٹرولیم مصنوعات کی قیمتوں میں حالیہ اضافے کے خلاف آئندہ ایک سے دو روز میں آل پارٹیز کانفرنس بلائی جائے گی۔ انہوں نے کہا کہ مہنگائی کے خلاف ملک بھر میں احتجاجی مارچ بھی کیے جائیں گے۔

انہوں نے بتایا کہ 7 اپریل کو علیمہ خان کی جانب سے پارٹی عہدیداروں کو کال دی گئی ہے، جس کے نتیجے میں 10 ہزار سے زائد تنظیمی عہدیدار اڈیالہ میں جمع ہونے کی توقع ہے۔

سلمان اکرم راجہ نے مزید بتایا کہ 9 اپریل کو وزیراعلیٰ خیبر پختونخوا راولپنڈی میں جلسہ کریں گے۔ انہوں نے کہا کہ اگر جلسے کی اجازت نہ ملی تو سڑکوں پر احتجاج کرتے ہوئے عوامی آواز بلند کی جائے گی۔

انہوں نے کہا کہ عوام کے مسائل کے حل کے لیے سیاسی قیادت ہر ممکن اقدام کرے گی اور مہنگائی کے خلاف بھرپور احتجاج کیا جائے گا۔