کراچی حملہ: سکھس فار جسٹس کا بھارتی خفیہ ایجنسی RAW پر ملوث ہونے کا الزام

کراچی میں حالیہ حملے کے بعد خالصتان نواز تنظیم سکھس فار جسٹس (SFJ) نے بھارتی خفیہ ایجنسی ریسرچ اینڈ اینالیسس ونگ (RAW) پر حملے میں ملوث ہونے کا الزام عائد کیا ہے۔

تنظیم کے جنرل کونسل گرپتونت سنگھ پنوں نے اپنے ایک بیان میں دعویٰ کیا کہ کراچی حملے کے شواہد براہِ راست بھارتی خفیہ ایجنسی RAW کی جانب اشارہ کرتے ہیں۔

پنوں کے مطابق، "یہ حملہ ایک بار پھر اس بات کا ثبوت ہے کہ مودی حکومت پاکستان کو غیر مستحکم کرنے کے لیے دہشت گردی کی مہم چلا رہی ہے۔"

واضح رہے کہ گرپتونت سنگھ پنوں کے اس بیان کی آزاد ذرائع سے تصدیق نہیں ہوئی، جبکہ بھارتی حکومت کی جانب سے اس حوالے سے فوری طور پر کوئی ردعمل سامنے نہیں آیا۔

کراچی حملے کی تحقیقات متعلقہ اداروں کی جانب سے جاری ہیں اور حکام نے واقعے کے تمام پہلوؤں کا جائزہ لینے کا عندیہ دیا ہے۔