پاکستانی امریکی محمد سعید شیخ کو ستارۂ خدمت سے نواز دیا گیا

صدر آصف علی زرداری نے پاکستانی نژاد امریکی سماجی رہنما محمد سعید شیخ کو فلاحی، سماجی خدمات اور پاک امریکہ تعلقات کے فروغ میں نمایاں کردار ادا کرنے پر ستارۂ خدمت سے نواز دیا۔

اعلامیے میں کہا گیا ہے کہ محمد سعید شیخ امریکا کے سب سے بڑے بین المذاہب افطار ڈنر کے منتظمین میں بھی شامل ہیں، جس کے ذریعے مختلف مذاہب کے درمیان ہم آہنگی کو فروغ دیا جاتا ہے

اپنے بیان میں محمد سعید شیخ نے اس اعزاز کو انسانیت کی خدمت کے سفر میں ساتھ دینے والے رضاکاروں اور ساتھیوں کے نام کیا۔ اس موقع پر آصفہ بھٹو زرداری، امریکی ناظم الامور نیٹلی بیکر اور واشنگٹن میں پاکستان کے سفیر رضوان شیخ نے بھی انہیں مبارکباد پیش کی۔