ٹرمپ کا دعویٰ: خامنہ ای کے جنازے میں عوامی جذبات دیکھ کر حیران ہوا، ایرانی ان سے نفرت کرتے ہیں، ایسا سمجھتا تھا

(واشنگٹن) امریکی صدر ڈونلڈ ٹرمپ نے دعویٰ کیا ہے کہ وہ ایران میں آیت اللہ علی خامنہ ای کے جنازے کے موقع پر عوام کی بڑی تعداد اور جذباتی مناظر دیکھ کر حیران رہ گئے۔

امریکی نیوز ویب سائٹ ایگزیوس کے ایک صحافی سے گفتگو کرتے ہوئے ٹرمپ نے کہا کہ وہ یہ سمجھتے تھے کہ ایرانی عوام آیت اللہ علی خامنہ ای سے نفرت کرتے ہیں، تاہم جنازے میں لوگوں کو روتے اور بڑی تعداد میں شریک ہوتے دیکھ کر انہیں حیرت ہوئی۔

ٹرمپ کے مطابق، عوامی ردعمل ان کی توقعات سے مختلف تھا اور اس نے ایران کی داخلی صورتحال کے بارے میں ان کے تاثر کو بدل دیا۔

امریکی صدر نے مزید دعویٰ کیا کہ اگر وہ چاہتے تو جنازے میں موجود تمام افراد کو نشانہ بنایا جا سکتا تھا، لیکن ایسا نہیں کیا گیا کیونکہ ان کے بقول ایسی کسی کارروائی کی صورت میں مستقبل میں مذاکرات کے لیے کوئی فریق باقی نہیں رہتا۔

واضح رہے کہ ٹرمپ کا یہ بیان ان کے ذاتی مؤقف اور دعووں پر مبنی ہے، جبکہ اس حوالے سے ایرانی حکام کی جانب سے فوری طور پر کوئی ردعمل سامنے نہیں آیا۔