سفارت خانہ پاکستان واشنگٹن میں یومِ استحصال کشمیر پر وببنار، عالمی برادری سے مؤثر کردار ادا کرنے کی اپیل

(واشنگٹن) سفارت خانہ پاکستان واشنگٹن ڈی سی میں یومِ استحصال کشمیر کے موقع پر "جنوبی ایشیا میں بین الاقوامی قانون کو درپیش چیلنجز: مسئلہ جموں و کشمیر اور معاہدۂ سندھ طاس" کے عنوان سے خصوصی ویبنار منعقد کیا گیا۔ ویبنار کا آغاز صدرِ پاکستان، وزیراعظم اور نائب وزیراعظم/وزیر خارجہ کے پیغامات سے ہوا، جن میں کشمیری عوام کی اخلاقی، سیاسی اور سفارتی حمایت جاری رکھنے کے عزم کا اعادہ کیا گیا

تقریب سے سفیر پاکستان رضوان سعید شیخ، سفیر منیر اکرم، ڈاکٹر فرحان مجاہد، ڈاکٹر قمر چیمہ اور علی عنار سمیت دیگر مقررین نے خطاب کیا۔ مقررین نے مقبوضہ کشمیر میں آرٹیکل 370 اور 35 اے کی منسوخی، آبادیاتی تبدیلیوں اور سندھ طاس معاہدے سے متعلق بھارتی اقدامات کو بین الاقوامی قوانین کے منافی قرار دیتے ہوئے عالمی برادری سے مسئلہ کشمیر کے منصفانہ حل اور انسانی حقوق کی خلاف ورزیوں کا نوٹس لینے کا مطالبہ کیا۔